مظفرآباد: (رائیٹ ناؤ نیوز) آزاد کشمیر انتخابات کے تیسرے مرحلے کی پولنگ مکمل ہونے کے بعد ابتدائی غیر حتمی نتائج موصول ہو رہے ہیں۔ مختلف جماعتوں کے امیدواروں کی برتری واضح ہو رہی ہے۔

ایل اے 14 کے 214 پولنگ سٹیشنز میں سے 81 کے نتائج کے مطابق عوامی دست و بازو پارٹی کے ساجد اقبال 17 ہزار 899 ووٹ لے کر آگے ہیں، مسلم کانفرنس کے سردار عتیق خان 7 ہزار 722 ووٹ کے ساتھ دوسرے نمبر پر ہیں۔

ایل اے 15 وسطی باغ کے 22 پولنگ سٹیشنز کے نتائج میں مسلم لیگ ن کے مشتاق منہاس 3 ہزار 468 ووٹ کے ساتھ آگے ہیں جبکہ جماعت اسلامی کے راجا محمود خان 2 ہزار 861 ووٹ کے ساتھ دوسرے نمبر پر ہیں۔

ایل اے 16 کے 186 پولنگ سٹیشنز میں سے 11 کے نتائج کے مطابق پیپلز پارٹی کے قمر الزمان 1440 ووٹ کے ساتھ آگے ہیں جبکہ ن لیگ کے سردار میر اکبر خان 1414 ووٹ کے ساتھ دوسرے نمبر پر ہیں۔

واضح رہے کہ آزاد کشمیر انتخابات کے یہ نتائج غیر حتمی و غیر سرکاری ہیں اور مزید تفصیلات آنا باقی ہیں۔ مختلف جماعتوں کے امیدواروں کے درمیان سخت مقابلہ جاری ہے۔