اسلام آباد: (رائیٹ ناؤنیوز) وزیراعلیٰ خیبر پختونخوا سہیل آفریدی نے عمران خان سے ملاقات کی اجازت مانگ لی ہے۔ ان کا کہنا ہے کہ ملاقات کے بعد کوئی پریس کانفرنس نہیں ہوگی۔

سہیل آفریدی نے اسلام آباد میں پریس کانفرنس کے دوران کہا کہ سابق وزیراعظم کے ساتھ زیادتی ہورہی ہے۔ نوجوانوں کو اپنا مستقبل تاریک نظر آرہا ہے اور وہ پریشان ہیں۔

انہوں نے اعلان کیا کہ 27 ستمبر کو پاکستان بھر کے نوجوان گھروں سے باہر نکلیں گے۔ تمام صوبے اس دن کی تیاری کریں گے۔

سہیل آفریدی نے مزید کہا کہ عمران خان کی صحت خراب ہے اور ان کا علاج ہونا چاہیے۔ اگر ملاقات کی اجازت نہ ملی تو سپریم کورٹ کے سامنے دھرنا دیں گے۔

یاد رہے کہ عمران خان کی حمایت میں تحریک انصاف کی قیادت وقتاً فوقتاً احتجاج کا اعلان کرتی رہی ہے۔