واشنگٹن: (رائیٹ ناؤ نیوز) امریکی چیئرمین جوائنٹ چیفس آف اسٹاف جنرل ڈین کین نے صدر ٹرمپ کو ایران جنگ سے نکلنے کا مشورہ دیا ہے۔ انہوں نے کہا ہے کہ فضائی طاقت کی بنیاد پر جنگ نہیں جیتی جا سکتی اور اس میں اضافہ خطرناک ثابت ہو سکتا ہے۔

جنرل ڈین کین نے سی آئی اے کے ڈائریکٹر جان ریٹکلیف اور وزیر خارجہ مارکو روبیو سے بھی اپنی تشویش کا اظہار کیا۔ امریکی ٹی وی کے مطابق انہوں نے جنگ ختم کرنے کے امکانات پر بھی تبادلہ خیال کیا ہے۔

درایں اثنا، صدر ٹرمپ نے کہا ہے کہ آبنائے ہرمز دوبارہ کھولنے کے معاہدے کے قریب ہیں اور جنگ جلد ختم ہو سکتی ہے۔ وہ ایران میں زمینی فوج نہیں بھیجنا چاہتے، تاہم فضائی حملوں کے ذریعے ایران کو مذاکرات پر آمادہ کرنے کی کوشش ہے۔

واضح رہے کہ امریکی سینٹرل کمانڈ جنگی آپریشن کے حق میں ہے جبکہ اسرائیل بھی تنازعے کو بڑھانا چاہتا ہے۔ جنرل کین نے خبردار کیا ہے کہ ایرانی تنصیبات پر حملوں سے عوامی حمایت میں کمی کا خطرہ ہے۔

یاد رہے کہ ایران اور امریکہ کے درمیان کشیدگی کا آغاز طویل عرصے سے جاری ہے، جس میں متعدد بار تنازعے کے خطرات بڑھ چکے ہیں۔