اسلام آباد: (رائیٹ ناؤ نیوز) حکومت ابھی تک نئی آٹو پالیسی 2026 تا 2031 پر ڈیڈ لاک ختم نہیں کر سکی ہے۔ وزارتی کمیٹی کے متعدد اجلاسوں کے باوجود حتمی فیصلہ نہیں ہوا۔

وزارت صنعت نے درآمدی گاڑیوں پر ٹیرف میں 52 فیصد تک کمی کی تجویز دی ہے۔ لیکن بعض کیٹیگریز میں یہ ٹیرف قومی ٹیرف پالیسی سے 300 فیصد تک زیادہ ہے۔

وزارت صنعت کا کہنا ہے کہ زیادہ ٹیرف مقامی آٹو صنعت کی حفاظت کے لیے ضروری ہے۔ بڑی کمی سے پاکستان تیار شدہ گاڑیوں کی درآمدی منڈی بن سکتا ہے۔

آٹو پارٹس کی مقامی تیاری کے لیے خام مال پر کسٹمز ڈیوٹی میں 20 فیصد سے 5 فیصد تک کمی کی تجویز ہے۔ اس سے روزگار بڑھے گا اور ٹیکنالوجی کی منتقلی میں مدد ملے گی۔

واضح رہے کہ قومی ٹیرف پالیسی کے تحت زیادہ سے زیادہ کسٹمز ڈیوٹی 15 فیصد مقرر کرنے کا ہدف ہے۔ وزارت صنعت مقامی آٹو صنعت کی حفاظت کے لیے زیادہ ٹیرف کی حامی ہے۔