اسلام آباد: (رائیٹ ناؤ نیوز) اسلام آباد میں امریکی مشن کی جانب سے خوشحالی کے فروغ کے لیے ایک ویبینار منعقد کیا گیا۔ اس میں امریکی کاروباری اداروں، سرمایہ کاروں، پاکستانی سرکاری حکام اور زرعی شعبے کے نمائندوں نے شرکت کی۔

ویبینار میں نیٹلی اے بیکر نے پاکستان کے زرعی ٹیکنالوجی میں سرمایہ کاری اور تعاون کے مواقع پر روشنی ڈالی۔ انہوں نے کہا کہ زراعت پاکستان کی معیشت میں ریڑھ کی ہڈی کی حیثیت رکھتی ہے۔

نیٹلی بیکر نے کہا کہ امریکی ٹیکنالوجی پاکستانی زراعت میں نئی منڈیوں کے دروازے کھول سکتی ہے۔ امریکی کمپنیاں زرعی شعبے میں مؤثر کردار ادا کرنے کی صلاحیت رکھتی ہیں۔

پاکستانی نمائندوں نے زرعی شعبے سے متعلق ریگولیٹری اور پالیسی اصلاحات پر تبادلہ خیال کیا۔ ویبینار میں امریکی محکمہ تجارت کے زرعی ٹیکنالوجیز ٹریڈ مشن کے آئندہ دورے کا جائزہ بھی لیا گیا۔

یاد رہے کہ پاکستان میں زراعت کا شعبہ معیشت کے لیے اہم ہے اور امریکی ٹیکنالوجی کے استعمال سے اس میں جدیدیت لائی جا سکتی ہے۔