لاہور: (رائیٹ ناؤنیوز) وزیر تعلیم پنجاب رانا سکندر حیات نے کہا ہے کہ آزاد کشمیر کے عوام نے پنجاب کی کارکردگی کو ووٹ دیا ہے۔ انہوں نے کہا کہ کشمیریوں نے نواز شریف کو مینڈینٹ دے کر ترقیاتی کاموں پر اعتماد کا اظہار کیا۔

پریس کانفرنس میں رانا سکندر نے سوال اٹھایا کہ سندھ میں ستھراپنجاب پروگرام جیسا کوئی منصوبہ موجود ہے؟ انہوں نے مزید کہا کہ پیپلز پارٹی کو کرپشن اور اخلاقیات کا درس دینے کی ضرورت نہیں۔

انہوں نے کہا کہ کشمیری عوام کو مستقبل کے فیصلے خود کرنے چاہئیں۔ بلاول بھٹو کے بیان پر تبصرہ کرتے ہوئے کہا کہ کشمیریوں نے ترقیاتی کاموں کو ووٹ دیا ہے۔

رانا سکندر نے کہا کہ پاکستان کا عالمی وقار بلند ہوا ہے اور موجودہ وفاقی حکومت کی کوششیں سراہا رہی ہیں۔ عالمی رہنماؤں کی جانب سے پاکستان کی قیادت کو سراہا جا رہا ہے۔

یاد رہے کہ سندھ کے ہزاروں طلبہ پنجاب کے دانش اسکولوں میں تعلیم حاصل کر رہے ہیں، پنجاب اپنی ذمہ داری ادا کرتا رہے گا۔