اسلام آباد: (رائیٹ ناؤ نیوز) جعلی ای چالان پیغامات کے ذریعے شہریوں کو دھوکہ دینے کی کوششیں جاری ہیں۔ حالیہ دنوں میں متعدد شہری ان فراڈز کا شکار ہوچکے ہیں۔

اسلام آباد پولیس نے شہریوں کو خبردار کیا ہے کہ یہ پیغامات سراسر فراڈ ہیں۔ ہمیشہ آفیشل نمبرز سے آنے والے پیغامات پر ہی بھروسہ کریں۔ جعلی ایس ایم ایس یا واٹس ایپ پیغامات میں موجود لنکس پر کلک نہ کریں۔

شہریوں کو ہدایت دی گئی ہے کہ مشکوک یا جعلی ای چالان موصول ہونے پر فوری طور پر اسلام آباد پولیس یا ایف آئی اے سائبر کرائم ونگ کو رپورٹ کریں۔ ای چالان کی تصدیق صرف سرکاری ویب سائٹ سے کریں۔

یہ معاملہ شہریوں کی مالی نقصان اور سائبر فراڈ کے خطرے کو بڑھا رہا ہے۔ جعلی ویب سائٹس اور غیر مصدقہ پیغامات سے محتاط رہنا ضروری ہے۔

یاد رہے کہ ماضی میں بھی جعلی پیغامات کے ذریعے شہریوں کو نشانہ بنایا گیا ہے۔ پولیس نے ہمیشہ محتاط رہنے کی ہدایت کی ہے۔