لاہور: (رائیٹ ناؤ نیوز) قومی ٹیم کے فاسٹ بولر نسیم شاہ نے پاکستان کرکٹ بورڈ کے نئے سسٹم سے اچھی تبدیلیوں کی امید ظاہر کی ہے۔ نیشنل کرکٹ اکیڈمی میں وائٹ بال کیمپ کے دوران میڈیا سے گفتگو میں نسیم شاہ نے کہا کہ کھلاڑیوں کے لیے نیا سسٹم امید افزا ہے اور ان کی ذمہ داری ہے کہ وہ اپنی لوڈ منیجمنٹ کریں۔

انھوں نے اعتراف کیا کہ ان کی پرفارمنس متوقع معیار پر نہیں رہی اور بطور بولنگ یونٹ بھی ہماری کارکردگی متاثر کن نہیں رہی۔ نسیم شاہ نے کرکٹ میں تیزی سے ہونے والی تبدیلیوں کو حیران کن قرار دیا۔

بابر اعظم نے کہا ہے کہ ہماری بیٹنگ مسلسل مشکلات کا شکار ہے اور حریف ٹیموں کے ٹیل اینڈرز رنز بنانے میں کامیاب ہو جاتے ہیں۔

فاسٹ بولر نسیم شاہ نے مزید کہا کہ انھیں فزیکل فٹنس پر کام کرنے کا کافی وقت ملا، لیکن گراؤنڈ کی انجریز ان کے کنٹرول میں نہیں ہیں۔

یاد رہے کہ نسیم شاہ نے قومی ٹیم میں شامل ہو کر اپنی فاسٹ بولنگ سے شائقین کرکٹ کو متاثر کیا تھا اور ان کی کارکردگی میں استحکام کی امید کی جا رہی ہے۔