اسلام آباد: (رائیٹ ناؤنیوز) پیپلز پارٹی کے رہنما ندیم افضل چن نے دعویٰ کیا ہے کہ اگر آزاد کشمیر انتخابات شفاف ہوئے تو پیپلز پارٹی جیتے گی۔ ان کا کہنا تھا کہ شفافیت سے انتخابات ہونا ضروری ہے۔

ندیم افضل چن نے سعید غنی کے ہمراہ پریس کانفرنس میں کہا کہ انتخابات کے دوران رکاوٹیں ڈالی جا رہی ہیں، ایک ورکر شہید اور تین زخمی ہوئے ہیں۔ انہوں نے سکیورٹی فورسز سے مطالبہ کیا کہ انتخابات میں خلل ڈالنے والے افراد کو گرفتار کیا جائے۔

پیپلز پارٹی کے رہنما نے مزید کہا کہ ایک سیاسی جماعت کو ووٹ نہیں دیا جا رہا، اور انتظامیہ کا استعمال نہ ہوا تو نتائج مختلف ہوں گے۔ انہوں نے پنجاب میں بارشوں کے بعد بیڈ گورننس کی وجہ سے بحران کی نشاندہی کی۔

ندیم افضل چن نے حکومت کی جانب سے گندم درآمد کے فیصلے پر بھی تنقید کی اور کہا کہ شفاف تحقیقات کی جائیں۔ ان کا کہنا تھا کہ حکومت عوامی مسائل پر توجہ دے اور نجی کمپنیوں کے ذریعے معاملات نہ چلائے۔

یاد رہے کہ بلاول بھٹو نے بھی کشمیر میں آٹے اور گندم کی فراہمی کے مسائل فوری حل کرنے کی ہدایت کی ہے۔ انہوں نے گندم ترسیل میں بے ضابطگیوں کی تحقیقات کی ضرورت پر زور دیا ہے۔