اسلام آباد: (رائیٹ ناؤنیوز) آزاد جموں و کشمیر کے انتخابات میں ووٹرز کی کمی نے عوامی اعتماد کا فقدان ظاہر کر دیا ہے۔ پاکستان تحریکِ انصاف نے کہا ہے کہ پولنگ اسٹیشنز پر ووٹرز کم نظر آئے، جبکہ عوام حقوق کے لیے سڑکوں پر ہیں۔

پاکستان تحریکِ انصاف کے مطابق حکمران جماعتیں عوام کا اعتماد کھو چکی ہیں۔ پارٹی نے پہلے ہی انتخابات کا بائیکاٹ کیا تھا، موجودہ حالات میں آزادانہ اور شفاف انتخابات ممکن نہیں۔

پی ٹی آئی نے کہا کہ ان کی عدم شرکت سے انتخابی عمل کی ساکھ متاثر ہوئی ہے۔ مسلم لیگ (ن) اور پیپلز پارٹی اقتدار کی بندربانٹ میں مصروف ہیں، انتخابات جمہوریت کو مضبوط نہیں بنا سکتے۔

پی ٹی آئی کے مطابق ایسے انتخابات کو عوامی رائے کا حقیقی اظہار نہیں کہا جا سکتا۔ آزاد کشمیر کے عوام نے انتخابی شرکت میں کمی اور احتجاج سے پیغام دیا ہے۔

واضح رہے کہ آزاد کشمیر میں حقیقی جمہوریت کے لیے تمام سیاسی جماعتوں کو مساوی مواقع اور آزاد ماحول فراہم کرنا ضروری ہے۔