اسلام آباد: (رائیٹ ناؤ نیوز) حکومت نے پیٹرول اور ڈیزل کی قیمتوں کو 27 جولائی تک برقرار رکھنے کا اعلان کیا ہے۔ پیٹرولیم ڈویژن نے وضاحت کی ہے کہ 26 اور 27 جولائی کو قیمتوں میں کوئی تبدیلی نہیں ہوگی۔

موجودہ قیمتوں کے مطابق ہائی اسپیڈ ڈیزل کی قیمت 383 روپے 46 پیسے فی لیٹر اور موٹر اسپرٹ (پیٹرول) کی قیمت 335 روپے 18 پیسے فی لیٹر رہے گی۔ مٹی کے تیل کی قیمت 301 روپے 14 پیسے فی لیٹر برقرار رہے گی۔

پیٹرولیم ڈویژن کا کہنا ہے کہ بین الاقوامی مارکیٹ میں پلیٹس (قیمتوں کے اشاریے) جاری نہ ہونے کے باعث یہ فیصلہ کیا گیا ہے۔ 24 جولائی کو جاری پریس ریلیز میں قیمتوں کو 27 جولائی تک برقرار رکھنے کی وضاحت کی گئی۔

یہ اقدام پیٹرولیم مصنوعات کی قیمتوں میں حالیہ اضافے کے بعد لیا گیا ہے۔ یاد رہے کہ 18 جولائی کو پیٹرول کی قیمت میں 5 روپے 44 پیسے اور ڈیزل کی قیمت میں 31 روپے 5 پیسے اضافہ ہوا تھا۔

واضح رہے کہ پیٹرولیم مصنوعات کی قیمتوں کا تعین روزانہ کی بنیاد پر ہوتا ہے اور گزشتہ ہفتے کے دوران قیمتوں میں کئی بار اضافہ ہوا ہے۔