برسلز: (رائیٹ ناؤ نیوز) یورپی کمیشن نے گوگل پر سرچ انجن کی بالادستی کو ناجائز استعمال کرنے پر ایک ارب ڈالرز جرمانہ عائد کیا ہے۔ یہ جرمانہ گوگل کی جانب سے دیگر کمپنیوں کو دبانے کی کوشش پر لگایا گیا ہے۔

یورپی کمیشن نے بتایا کہ گوگل نے غیر قانونی طور پر اپنی بالادستی کو استعمال کرتے ہوئے حریف کمپنیوں کی مسابقت ختم کرنے کی کوشش کی۔ اس عمل کے نتیجے میں گوگل پر 89 کروڑ یورو کا جرمانہ عائد کیا گیا۔

یورپی یونین نے ڈیجیٹل مارکیٹس ایکٹ کے تحت گوگل کی خدمات کو غیر منصفانہ طریقے سے فروغ دینے پر کارروائی کی ہے۔ گوگل نے اپنی شاپنگ، ٹریول اور گیمز سروسز کو بڑھا چڑھا کر پیش کیا۔

یہ اقدام یورپی یونین اور امریکا کے درمیان تجارتی تناؤ کو بڑھا سکتا ہے۔ ٹرمپ انتظامیہ نے یورپی یونین کی تجارتی پالیسیوں کو ‘نامنصفانہ’ قرار دیا ہے اور جوابی اقدامات کی دھمکی دی ہے۔

یاد رہے کہ 2018 اور 2017 میں بھی یورپی یونین نے گوگل کو بالترتیب 4.7 ارب اور 2.8 ارب ڈالرز کے جرمانے عائد کیے تھے۔ گوگل کی اپیلیں بھی مسترد کی جا چکی ہیں۔