لاہور: (رائیٹ ناؤ نیوز) وزیر اطلاعات پنجاب عظمیٰ بخاری نے پیپلز پارٹی کے بیانات پر سخت ردعمل دیتے ہوئے کہا ہے کہ پارٹی کو پنجاب سے بغض ہے کیونکہ یہاں کے وسائل عوام کی فلاح و بہبود پر خرچ ہو رہے ہیں۔

عظمیٰ بخاری نے کہا کہ وزیراعلیٰ پنجاب مریم نواز کی حکومت نے دو سال میں نمایاں ترقیاتی اقدامات کیے ہیں۔ ترقیاتی منصوبے اٹک سے رحیم یار خان تک پہنچائے گئے ہیں۔

انہوں نے کہا کہ اگر پنجاب میں پیپلز پارٹی چوتھے نمبر پر ہے تو یہ مسلم لیگ ن کی کامیابی ہے۔ عوام مسلم لیگ ن کی کارکردگی پر مطمئن اور اعتماد کرتے ہیں۔

عظمیٰ بخاری نے میئر کراچی مرتضیٰ وہاب کا حوالہ دیتے ہوئے کہا کہ پنجاب حکومت ترقی کا تجربہ شیئر کرنے کے لیے تیار ہے۔ مسلم لیگ ن چاہتی ہے کہ سندھ بھی ترقی کرے۔

واضح رہے کہ عظمیٰ بخاری نے بلاول بھٹو زرداری کو نفرت کی سیاست سے پرہیز کرنے کی نصیحت کی ہے۔ انہوں نے سندھ حکومت کو کارکردگی بہتر بنانے کی تجویز دی۔