لاہور: (رائیٹ ناؤ نیوز) پنجاب کی 5 میڈیکل یونیورسٹیوں میں وائس چانسلرز کے اضافی چارجز کا نوٹیفکیشن جاری ہوا ہے۔ گورنر پنجاب نے بطور چانسلر اپنے اختیارات کے تحت یہ نوٹیفکیشن جاری کیا۔

محکمہ سپیشلائزڈ ہیلتھ کیئر اینڈ میڈیکل ایجوکیشن نے 21 جولائی 2026 کو اس حوالے سے باضابطہ نوٹیفکیشن جاری کیا۔ یہ اضافی چارج تین ماہ کے لیے یا مستقل تقرری تک ہوگا۔

نوٹیفکیشن کے مطابق پرو وائس چانسلر کنگ ایڈورڈ میڈیکل یونیورسٹی پروفیسر ڈاکٹر محمد معین کو وائس چانسلر کے ای ایم یو کا اضافی چارج دیا گیا ہے۔ اس کے علاوہ فیصل آباد میڈیکل کالج کے پرنسپل ڈاکٹر محمد فیصل بلال لودھی کو ایف ایم یو کا چارج دیا گیا۔

فاطمہ جناح میڈیکل کالج لاہور کے پرنسپل پروفیسر ڈاکٹر عبدالحمید کو فاطمہ جناح میڈیکل یونیورسٹی کا وائس چانسلر مقرر کیا گیا۔ راولپنڈی میڈیکل کالج کے پرنسپل پروفیسر ڈاکٹر محمد خرم کو آر ایم یو اور پروفیسر ڈاکٹر نادیہ نسیم کو یو ایچ ایس لاہور کا چارج دیا گیا۔

یاد رہے کہ یہ چارجز مستقل وائس چانسلرز کی تقرری تک عارضی طور پر دیے گئے ہیں۔ محکمہ سپیشلائزڈ ہیلتھ کیئر نے متعلقہ اداروں کو مراسلے بھی ارسال کر دیے ہیں۔