اسلام آباد: (رائیٹ ناؤ نیوز) وزیراعظم شہباز شریف نے پاکستان ریلویز ٹرانسفارمیشن پلان پر پیش رفت کا جائزہ لیا۔ اجلاس میں ریلوے کے ترقیاتی منصوبوں اور بنیادی ڈھانچے کی جدید کاری پر بریفنگ دی گئی۔

وزیراعظم نے کہا کہ ریلوے نظام ملکی معیشت اور علاقائی روابط میں کلیدی کردار ادا کرے گا۔ انہوں نے مزید کہا کہ ریلوے کی جدید کاری پاکستان کو تجارتی ہب بنانے میں اہم ہوگی۔

انہوں نے ترقیاتی منصوبے اعلیٰ معیار میں مکمل کرنے کی ہدایت کی۔ مین لائن ون (ML-1) کے روہڑی۔ملتان سیکشن کی اپ گریڈیشن کے لیے تجاویز طلب کی گئیں۔

اجلاس کو بریفنگ میں بتایا گیا کہ ایم ایل ون اور تھر کول ریلوے کنیکٹیویٹی پر کام جاری ہے۔ ایم ایل ون کے کراچی۔روہڑی سیکشن کی انجینئرنگ ڈیزائن مکمل کر لیا گیا ہے۔

یاد رہے کہ ریلوے اصلاحات کے لیے بین الاقوامی کنسلٹنٹ کی خدمات حاصل کی گئی ہیں۔ ریلوے کے زیر انتظام اسکولوں کی خدمات آؤٹ سورس کی جا چکی ہیں۔