نیو یارک: (رائیٹ ناؤ نیوز) نیو جرسی اسٹیڈیم میں فیفا ورلڈ کپ 2026 کے فائنل میں فاتح کپتان کو اصل ٹرافی پیش کی جائے گی، لیکن وہ اسے ہمیشہ کے لیے نہیں رکھ سکتے۔

فیفا کے صدر جیانی انفانٹینو اور امریکی صدر ڈونلڈ ٹرمپ مشترکہ طور پر ٹرافی پیش کریں گے، جو ایک منفرد روایت ہے۔ 1982 کے بعد یہ پہلا موقع ہے جب کسی سربراہِ مملکت نے ٹرافی پیش کی ہے۔

فیفا ورلڈ کپ ٹرافی 18 قیراط سونے سے بنی ہوتی ہے اور اس کی اونچائی 36.5 سینٹی میٹر ہے۔ ٹرافی میں مالاکائٹ (Malachite) پتھر بھی استعمال ہوتا ہے، جسے اطالوی مجسمہ ساز سلویو گازانیگا نے تخلیق کیا تھا۔

اصل ٹرافی فاتح ٹیم کو دی جاتی ہے، مگر تقریب کے بعد اسے فیفا میوزیم، زیورخ میں واپس لایا جاتا ہے۔ فیفا قوانین کے مطابق اصل ٹرافی مستقل طور پر فیفا کی تحویل میں رہتی ہے۔

یاد رہے کہ ٹرافی کی مجموعی مالیت 2 کروڑ امریکی ڈالر تک سمجھی جاتی ہے، جو اسے دنیا کی قیمتی ترین کھیلوں کی ٹرافیوں میں شامل کرتی ہے۔