اسلام آباد: (رائیٹ ناؤ نیوز) وزیر دفاع خواجہ آصف نے کہا ہے کہ کشمیری مہاجرین کی قربانیوں کی قدر بہت زیادہ ہے۔ ان کے خون کے نذرانوں سے ہمیں آزادی حاصل ہوئی۔

وزیر دفاع نے ایل اے 36 جموں 3 میں کارکنوں سے خطاب کرتے ہوئے کہا کہ آزاد کشمیر کے الیکشن کشمیر کاز اور کشمیریوں کی حفاظت کے لیے ہیں۔ یہ الیکشن ماضی کے انتخابات سے مختلف ہیں۔

انہوں نے بتایا کہ کشمیر میں پاکستان کا نعرہ لگانے والے سینکڑوں نوجوانوں کو اٹھایا گیا، جو واپس نہیں آئے۔ قائداعظم نے کشمیر کو شہہ رگ قرار دیا تھا، آج اس لازوال رشتے کو چیلنج کیا جا رہا ہے۔

وزیر دفاع نے کہا کہ چار ہزار سے زائد قربانیاں دینے والی فوج کو گالی دی جاتی ہے۔ ان کا کہنا تھا کہ فیلڈ مارشل کا رشتہ وطن سے محبت ہے، شہداء اور غازیوں کو سلام ہے۔

واضح رہے کہ پاکستان کا ذکر ایران اور امریکا کی جنگ میں بار بار ہوتا رہتا ہے، جس سے عالمی سطح پر ملک کی اہمیت اجاگر ہوتی ہے۔