لندن: (رائیٹ ناؤنیوز) گرومنگ گینگ کے سرغنہ شبیر احمد کی ملک بدری کے معاملے پر برطانیہ اور پاکستان کے درمیان سفارتی تنازع کھڑا ہوگیا ہے۔

برطانوی پارلیمنٹ کی خارجہ کمیٹی میں گفتگو کرتے ہوئے وزیر یوویٹ کوپر نے کہا ہے کہ پاکستان کے ساتھ یہ معاملہ متعدد بار اٹھا چکے ہیں اور آئندہ بھی اُٹھائیں گے۔ انہوں نے مزید کیسز کا بھی ذکر کیا۔

یوویٹ کوپر نے اشارہ دیا ہے کہ اگر شبیر احمد کو واپس نہ لیا گیا تو پاکستان پر ویزا پابندیاں عائد کی جاسکتی ہیں۔ یہ ممکنہ اقدام سفارتی تعلقات کو متاثر کر سکتا ہے۔

اسی دوران دفترخارجہ کے ترجمان طاہر اندرابی نے کہا ہے کہ شبیر احمد کا معاملہ برطانیہ کا اندرونی معاملہ ہے اور پاکستان اس میں مداخلت نہیں کرے گا۔

واضح رہے کہ 2012 میں جنسی جرائم میں سزا یافتہ شبیر احمد حال ہی میں جیل سے رہا ہوا تھا۔ یہ معاملہ اب سفارتی سطح پر اہمیت اختیار کر چکا ہے۔