اسلام آباد: (رائیٹ ناؤ نیوز) جاپان اور بھارت کے مشترکہ اعلامیے میں پاکستان پر کراس بارڈر ٹیررازم (دہشت گردی) کے الزام پر پاکستان نے احتجاج کیا ہے۔ جاپانی سفیر کو دفتر خارجہ طلب کر کے باقاعدہ ڈی مارش جاری کر دیا گیا۔

ترجمان دفتر خارجہ طاہر اندرابی نے کہا ہے کہ جاپانی سفیر کو باضابطہ احتجاج ریکارڈ کرایا گیا ہے۔ ترجمان نے مزید بتایا کہ جاپان کی پاکستان سے متعلق پالیسی میں کوئی تبدیلی نہیں آئی ہے۔

ترجمان دفتر خارجہ نے کہا کہ بھارت ہمیشہ ایسے مشترکہ اعلامیوں میں یکطرفہ نکات شامل کرنے کی کوشش کرتا ہے۔ جاپان سے امید ہے کہ وہ بھارت کے اس رویے کا حصہ نہیں بنے گا۔

یہ معاملہ اس لیے اہم ہے کہ اس سے پاکستان اور جاپان کے تعلقات متاثر ہو سکتے ہیں۔ پاکستان نے واضح کیا ہے کہ ایسے الزامات ناقابل قبول ہیں۔

یاد رہے کہ جاپان اور بھارت کے درمیان مشترکہ اعلامیے میں پاکستان پر دہشت گردی کا الزام پہلی بار نہیں ہے۔ پاکستان ماضی میں بھی ایسے الزامات کی سختی سے تردید کرتا رہا ہے۔