کراچی: (رائیٹ ناؤ نیوز) ملک میں پری مون سون کے دوران 13 فیصد زائد بارشیں ریکارڈ کی گئیں۔ محکمہ موسمیات نے یہ رپورٹ اپریل سے جون تک جاری کی ہے۔

رپورٹ کے مطابق اپریل میں معمول سے 65 فیصد زائد بارشیں ہوئیں جبکہ مئی اور جون میں بارشوں میں نمایاں کمی دیکھی گئی۔

محکمہ موسمیات نے دریاؤں اور ندی نالوں کے قریب رہنے والوں کو چوکنا رہنے کی ہدایت کی ہے۔

یہ زائد بارشیں زراعت پر مثبت اثر ڈال سکتی ہیں، مگر بعض علاقوں میں سیلاب کا خطرہ بھی موجود ہے۔

یاد رہے کہ اپریل میں پنجاب میں 109 فیصد اور سندھ میں 169 فیصد زائد بارشیں ریکارڈ ہوئیں۔