اسلام آباد: (رائیٹ ناؤ نیوز) پاکستان میں ڈیجیٹل ادائیگیوں میں تین گنا اضافہ ہوا ہے۔ وزیراعظم شہباز شریف نے کیش لیس معیشت کے فروغ پر اطمینان کا اظہار کیا ہے۔

وزیراعظم شہباز شریف کی زیر صدارت کیش لیس معیشت سے متعلق اجلاس ہوا۔ اجلاس میں گزشتہ ایک سال کے دوران ڈیجیٹل ادائیگیوں کی پیش رفت کا جائزہ لیا گیا۔

شہباز شریف نے معاشی ٹیم کی کارکردگی کو سراہا اور کہا کہ کیش لیس نظام معیشت کو شفافیت اور ترقی کی طرف لے جائے گا۔ انہوں نے مرچنٹس کو کیو آر کوڈ کے استعمال کی ترغیب دینے پر زور دیا۔

انہوں نے بتایا کہ موبائل بینکنگ ایپ کے صارفین کی تعداد 13 کروڑ 70 لاکھ ہو گئی ہے۔ بے نظیر انکم سپورٹ پروگرام کی ادائیگیاں بھی ڈیجیٹل نظام پر منتقل کی جا رہی ہیں۔

یاد رہے کہ 2025 سے 2026 کے دوران ڈیجیٹل ٹرانزیکشنز میں 11.9 ارب کا اضافہ ہوا ہے۔ نادرا کی 99 فیصد ادائیگیاں ڈیجیٹائز ہو چکی ہیں۔