نیویارک: (رائیٹ ناؤ نیوز) ایران نے اقوام متحدہ کی سلامتی کونسل میں اپنے جوہری پروگرام کے حوالے سے منعقدہ اجلاس پر پاکستان کا شکریہ ادا کیا ہے۔ ایران نے کہا کہ پاکستان نے ووٹنگ میں غیر حاضری اختیار کر کے ان کی حمایت کی۔

اقوام متحدہ میں ایران کے مستقل مندوب امیر سعید ایروانی نے اجلاس کے بعد بیان جاری کرتے ہوئے پاکستان اور صومالیہ کا شکریہ ادا کیا۔ انہوں نے روس اور چین کی بھی تعریف کی جو اجلاس کے مخالف تھے۔

یہ اجلاس بحرین اور پانچ یورپی ممالک کی درخواست پر بلایا گیا تھا۔ اجلاس میں ایران کے جوہری معاہدے پر عمل درآمد کا جائزہ لیا گیا۔

ایرانی مندوب نے کہا کہ قرارداد 2231 کی مدت پوری ہو چکی ہے، لہذا اس پر مزید بحث کی قانونی بنیاد نہیں۔ انہوں نے یورپی ممالک کی پابندیوں کی بحالی کی کوشش کو بھی مسترد کر دیا۔

واضح رہے کہ ایران کا موقف ہے کہ اس کا جوہری پروگرام مکمل طور پر پرامن مقاصد کے لیے ہے اور یہ بین الاقوامی نگرانی میں چل رہا ہے۔