دنیا: (رائیٹ ناؤ نیوز) گوگل میپس کا استعمال اب تقریباً ہر جگہ عام ہوچکا ہے۔ جب صارف کسی نئے شہر میں نیویگیشن کر رہا ہوتا ہے تو بلیو ڈاٹ اس کی مدد کرتا ہے۔

گوگل میپس میں مختلف فیچرز موجود ہیں جو صارفین کو اجنبی مقامات پر رہنمائی فراہم کرتے ہیں۔ بلیو ڈاٹ آپ کی موجودہ لوکیشن کی نمائندگی کرتا ہے۔

یہ بلیو ڈاٹ مسلسل بدلتا رہتا ہے، اس کا سائز کبھی بڑا تو کبھی چھوٹا نظر آتا ہے۔ اس تبدیلی سے گوگل میپس کے لوکیشن ڈیٹا کی درستگی کا اندازہ ہوتا ہے۔

یہ تبدیلی گوگل کی جانب سے صارفین کے لوکیشن ڈیٹا کی درستگی کے لیے ہوتا ہے۔ بڑی سائز کا بلیو ڈاٹ لوکیشن کی کم درستگی کو ظاہر کرتا ہے۔

واضح رہے کہ گوگل میپس مختلف سگنلز جیسے جی پی ایس، موبائل ٹاورز اور وائی فائی نیٹ ورکس کا استعمال کرتا ہے۔ ان سگنلز کے بہتر کام نہ کرنے پر لوکیشن کی درستگی متاثر ہوسکتی ہے۔