تل ابیب: (رائیٹ ناؤ نیوز) اسرائیلی وزیر اعظم بنجمن نیتن یاہو نے امریکی نائب صدر جے ڈی وینس کے اس دعوے کو مسترد کردیا ہے کہ امریکا دنیا میں اسرائیل کا واحد طاقتور اتحادی ہے۔

فاکس نیوز کے ساتھ ایک انٹرویو میں نیتن یاہو نے کہا کہ اسرائیل سفارتی طور پر تنہا نہیں ہے۔ انہوں نے بھارت کا ذکر کرتے ہوئے کہا کہ اس کی 1.4 ارب آبادی ہے اور وہاں اسرائیل کو زبردست حمایت حاصل ہے۔

نیتن یاہو نے مزید کہا کہ امریکا کے علاوہ بھی اسرائیل کے ساتھ مضبوط عالمی حمایت موجود ہے۔ انہوں نے بھارت کو اسرائیل کا ایک اور دوست قرار دیا۔

یہ بیان اس وقت اہمیت اختیار کرتا ہے جب امریکا اور اسرائیل کے درمیان تعلقات میں اتار چڑھاؤ دیکھنے میں آیا ہے۔ بھارت کے ساتھ اسرائیل کی بڑھتی ہوئی قربت عالمی سیاست میں اہم موڑ ثابت ہو سکتی ہے۔

واضح رہے کہ اسرائیل اور بھارت کے درمیان تعلقات گزشتہ دہائیوں میں مستحکم ہوئے ہیں اور دونوں ممالک کے درمیان کئی شعبوں میں تعاون جاری ہے۔