مانچسٹر: (رائیٹ ناؤ نیوز) بھارت کے 15 سالہ کرکٹر ویبھو سوریا ونشی نے انگلینڈ کے خلاف ٹی 20 میچ میں انٹرنیشنل کرکٹ میں ڈیبو کرکے سچن ٹنڈولکر کا ریکارڈ توڑ دیا ہے۔ انہوں نے اولڈ ٹریفورڈ میں 15 سال اور 99 دن کی عمر میں ڈیبیو کیا۔

ویبھو نے 5 میچوں کی سیریز کے دوسرے میچ میں شرکت کی اور بھارت کی جانب سے سب سے کم عمر ڈیبیو کرنے والے کھلاڑی بن گئے۔ سچن ٹنڈولکر نے 1989 میں 16 سال اور 205 دن کی عمر میں پاکستان کے خلاف ٹیسٹ میچ میں ڈیبیو کیا تھا۔

ویبھو کا نام دنیا کے دوسرے کم عمر ڈیبیو کرنے والے کھلاڑیوں میں درج ہو گیا ہے۔ پاکستان کے حسن رضا نے 14 سال اور 227 دن کی عمر میں ڈیبیو کرکے کم عمر ترین کھلاڑی کا اعزاز حاصل کیا تھا۔

واضح رہے کہ ویبھو نے انگلینڈ کے خلاف ڈیبیو میچ میں 10 گیندوں پر 14 رنز بنائے اور ان کی اننگز میں دو چھکے شامل تھے۔ انگلینڈ نے بھارت کو 4 وکٹوں سے شکست دی اور سیریز میں 0-1 کی برتری حاصل کرلی۔

یاد رہے کہ بھارت نے پہلے بیٹنگ کرتے ہوئے 7 وکٹوں پر 190 رنز بنائے تھے جبکہ انگلینڈ نے مطلوبہ ہدف 19 اوورز میں 6 وکٹوں کے نقصان پر پورا کرلیا۔ دونوں ٹیموں کے درمیان تیسرا میچ 7 جولائی کو نوٹنگھم میں کھیلا جائے گا۔