استنبول: (رائیٹ ناؤنیوز) وزیراعظم شہباز شریف نے کہا ہے کہ صدر رجب طیب اردوان کی حمایت سے پاکستان کو ثالثی کا کردار ملا ہے۔

ترکیہ میں بی ٹو بی کانفرنس میں خطاب کرتے ہوئے شہباز شریف نے استنبول کی خوبصورتی اور ترکیہ کے ساتھ پاکستان کے مضبوط اتحاد کا ذکر کیا۔ انہوں نے کہا کہ دونوں ممالک کے لازوال تعلقات کی تاریخ طویل ہے۔

وزیراعظم نے بتایا کہ ترکیہ نے ہر مشکل وقت میں پاکستان کا ساتھ دیا ہے۔ صدر اردوان کی حمایت سے پاکستان کو امریکا اور ایران کے درمیان ثالثی کا موقع حاصل ہوا۔

انہوں نے مزید کہا کہ یہ ایک کٹھن سفارتی مشن تھا، تاہم اللہ کے فضل سے جنگ بندی ممکن ہوئی۔ اب امن کے موقع سے فائدہ اٹھانا ضروری ہے۔

واضح رہے کہ ترکیہ کا صنعتی منظرنامہ تبدیل ہو چکا ہے، جس سے دونوں ممالک کے درمیان تجارت اور سرمایہ کاری کے لیے نئی راہیں ہموار ہو رہی ہیں۔