کیلیفورنیا: (رائیٹ ناؤ نیوز) امریکا میں ایک پالتو طوطے نے 32 سال کی عمر پا کر عالمی ریکارڈ قائم کر لیا ہے۔ یہ طوطا، جس کا نام اسپوڈلز ہے، امریکی ریاست کیرولینا کے ایک خاندان کے پاس موجود ہے۔

گنیز ورلڈ ریکارڈز کے مطابق یہ ہرے رنگ اور جامنی سر والا طوطا دنیا کا سب سے عمر رسیدہ پالتو طوطا ہے۔ اس کی مالکن امانڈا بیتھ نے بتایا کہ یہ طوطا 1997 میں انہیں ان کی والدہ نے تحفہ دیا تھا۔

امانڈا نے بتایا کہ طوطا اس وقت 3 سال کا تھا اور اب 32 سال کی عمر میں بھی وہ باتیں کرتا اور شور مچاتا ہے۔ 28 مارچ کو اس کی عمر 32 سال اور 28 دن ہو جانے پر ریکارڈ قائم ہوا۔

گنیز ورلڈ ریکارڈز کے مطابق طوطے عموماً 15 سے 20 سال تک زندہ رہتے ہیں لیکن اسپوڈلز نے اس سے کہیں زیادہ عمر پائی ہے۔ اس کی لمبی عمر پر جشن منایا گیا۔

یاد رہے کہ طوطے عموماً گھریلو ماحول میں زیادہ عرصہ زندہ نہیں رہتے، لیکن اسپوڈلز نے یہ ثابت کیا کہ غیر معمولی عمر پا سکتے ہیں۔