اسلام آباد: (رائیٹ ناؤ نیوز) پاکستان نے 1 ارب 30 کروڑ ڈالر کے بیرونی قرضے ادا کیے ہیں۔ ان ادائیگیوں کے بعد ملکی زرمبادلہ ذخائر میں کمی دیکھنے میں آئی ہے۔ اسٹیٹ بینک کا کہنا ہے کہ بڑی ادائیگیوں کے باوجود ذخائر مستحکم رہیں گے۔

اسٹیٹ بینک کے مطابق جون 2026 کے لیے زرمبادلہ کا ہدف پورا کر لیا جائے گا۔ سرکاری ڈالر ذخائر 30 جون تک 18 ارب ڈالر سے بڑھ جائیں گے۔ ملکی زرمبادلہ کے مجموعی ذخائر 24 ارب ڈالر کے قریب پہنچنے کی توقع ہے۔

بین الاقوامی اداروں سے 70 کروڑ ڈالر قرض کی مد میں وصول ہوئے ہیں۔ پاکستان کو کمرشل قرضے کی ری فائنانسنگ کے تحت 1 ارب 70 کروڑ ڈالر ملے ہیں۔ یہ رقم 30 جون کو زرمبادلہ ذخائر میں شامل ہوگی۔

گزشتہ ہفتے اسٹیٹ بینک کے ڈالر ذخائر ادائیگیوں کے باعث 15 ارب 92 کروڑ ڈالر تک کم ہو گئے تھے۔ کمرشل بینکوں کے پاس 5 ارب 57 کروڑ ڈالر کے ڈپازٹس موجود تھے۔

یاد رہے کہ پاکستان کو آئی ایم ایف کی جانب سے زرمبادلہ کے ذخائر بڑھانے کے اہداف مقرر کیے گئے ہیں۔ ان اہداف کے حصول کے لیے اقدامات کیے جا رہے ہیں۔