پشاور: (رائیٹ ناؤ نیوز) خیبر پختونخوا حکومت نے وفاق کو گرانٹ بانی پی ٹی آئی عمران خان کے ساتھ ملاقات سے مشروط کر دی ہے۔ حکومت کا کہنا ہے کہ جب تک عمران خان سے ملاقات نہیں ہوتی، وفاقی فنڈز کی کٹوتی نہیں ہونے دیں گے۔

وزیراطلاعات خیبر پختونخوا شفیع جان نے پوسٹ بجٹ پریس کانفرنس میں کہا کہ پچھلے 7 مہینوں سے عمران خان سے فیملی کی ملاقات نہیں ہوئی۔ وزیراعلیٰ خیبر پختونخوا کی بانی پی ٹی آئی سے ملاقات کرائی جائے۔

مشیر خزانہ خیبرپختونخوا مزمل اسلم نے بتایا کہ این ای سی میٹنگ میں وفاق کو گرانٹس دینے کی کوئی کمٹمنٹ نہیں کی گئی تھی۔ انہوں نے کہا کہ تمام گفتگو این ای سی میٹنگ سے پہلے ہوئی تھی۔

مزید کہا گیا کہ بانی پی ٹی آئی کا بہترین اسپتال میں علاج ہو اور ملاقاتیں بحال ہوں۔ عمران خان سے ملاقات نہ ہونے تک کوئی گرانٹ بھی فائل نہیں ہوگی۔ یہ ہمارے بس میں نہیں، وزیراعلیٰ کے پی نے کہا۔

واضح رہے کہ پچھلے سال آئی ایم ایف کے میمورینڈم پر بھی بانی سے ملاقات اور اجازت کے بعد ہی دستخط کیے گئے تھے۔ مسلم لیگ ن کے رہنما رانا ثنا اللہ نے کہا کہ این ای سی میٹنگ میں تمام صوبے وفاق کو پیسے دینے پر راضی تھے۔