اسلام آباد: (رائیٹ ناؤ نیوز) اسلام آباد کی ڈسٹرکٹ اینڈ سیشن کورٹ نے وزیراعلیٰ خیبرپختونخوا سہیل آفریدی کے ناقابل ضمانت وارنٹ گرفتاری جاری کر دیے ہیں۔ ریاستی اداروں پر گمراہ کن الزامات اور ساکھ متاثر کرنے کے کیس میں یہ فیصلہ سنایا گیا۔

وزیراعلیٰ کے خلاف کیس کی سماعت سینئر سول جج عباس شاہ نے کی۔ عدالت نے سہیل آفریدی کی عدم حاضری پر ناقابل ضمانت وارنٹ گرفتاری برقرار رکھتے ہوئے انہیں گرفتار کر کے پیش کرنے کا حکم دیا۔

ریاستی اداروں پر الزامات کے کیس میں سہیل آفریدی کے خلاف پیکا ایکٹ کے تحت مقدمہ درج کیا گیا ہے۔ این سی سی آئی اے کی جانب سے یہ کیس عدالت میں پیش کیا گیا۔

عدالت نے کیس کی مزید سماعت 29 جون تک ملتوی کر دی ہے۔ اس دوران سہیل آفریدی کی گرفتاری کو یقینی بنانے کا کہا گیا ہے۔

یاد رہے کہ سہیل آفریدی پر ریاستی اداروں پر الزامات عائد کرنے کا مقدمہ درج ہے، جس کے تحت ان کے خلاف کارروائی جاری ہے۔