واشنگٹن: (رائیٹ ناؤ نیوز) امریکی صدر ڈونلڈ ٹرمپ نے ایران اور امریکہ کے درمیان مذاکرات کے خاتمے کی خبروں کو مسترد کر دیا ہے۔ انہوں نے کہا کہ یہ اطلاعات غلط ہیں کہ ایران اور امریکہ نے بات چیت بند کر دی ہے۔

صدر ٹرمپ نے ٹروتھ سوشل پر جاری بیان میں بتایا کہ دونوں ممالک کے درمیان گفتگو کا سلسلہ جاری ہے اور آج بھی بات چیت ہوئی ہے۔ انہوں نے مزید کہا کہ مذاکرات کا نتیجہ کیا ہوگا، کہنا قبل از وقت ہے۔

ڈونلڈ ٹرمپ کے مطابق ایران کو واضح پیغام دیا گیا ہے کہ معاہدہ کرنے کا وقت آ چکا ہے۔ انہوں نے کہا کہ ایران گزشتہ 47 برس سے اسی طرز پر معاملات چلا رہا ہے۔

ایران اور امریکہ کے درمیان جنگ بندی بدستور برقرار ہے۔ پاکستان بھی معاہدے اور کشیدگی میں کمی کے لیے سفارتی کوششوں میں مصروف ہے۔

واضح رہے کہ ایران اور امریکہ کے تعلقات میں کشیدگی کی طویل تاریخ ہے اور دونوں ممالک کے درمیان بات چیت کا سلسلہ مختلف ادوار میں جاری رہا ہے۔