واشنگٹن: (رائیٹ ناؤنیوز) امریکی وزیر خزانہ سکاٹ بیسنٹ نے کہا ہے کہ ایران کے خلاف اقتصادی آپریشن فیوری جاری ہے۔ انہوں نے بتایا کہ ایران میں فوجیوں کو تنخواہ نہیں مل رہی اور پولیس عملہ ڈیوٹی سے غیر حاضر ہے۔

سکاٹ بیسنٹ نے مزید کہا کہ ایرانی معیشت اور کرنسی زوال پذیر ہیں۔ امریکہ نے ایران کی خلیج فارس آبنائے اتھارٹی پر پابندی عائد کر دی ہے۔

امریکی وزیر نے کہا کہ ایران کو خبردار کیا گیا ہے کہ کسی بھی ٹول ٹیکس یا امدادی ادائیگیوں کا راستہ بند کر دیا جائے گا۔

انہوں نے مزید کہا کہ ایرانی ایئر لائنز کی لینڈنگ، ایندھن اور ٹکٹ فروخت کی سہولت بھی معطل کر دی جائے گی۔

واضح رہے کہ ایران کی معیشت پر پہلے ہی امریکی پابندیوں کے اثرات موجود ہیں۔ یہ اقدامات ایران کے لیے مزید مشکلات پیدا کر سکتے ہیں۔