کمالیہ: (رائیٹ ناؤ نیوز) وفاقی وزیر خزانہ محمد اورنگزیب نے کہا ہے کہ بجٹ میں عوام پر کم سے کم بوجھ ڈالنے کی کوشش کی جارہی ہے۔ بجٹ میں ٹیکس بڑھانے کے بجائے انفورسمنٹ اور کمپلائنس پر زور دیا جائے گا۔

وفاقی وزیر نے مزید کہا کہ حکومت مہنگائی میں کمی کے لیے مسلسل اقدامات کر رہی ہے۔ ان کے مطابق خطے میں کشیدگی کم کرنے کے لیے حکومت متحرک ہے اور عالمی سطح پر پاکستان کی سفارتی کامیابیوں کو سراہا جا رہا ہے۔

سینیٹر محمد اورنگزیب نے کہا کہ سیاسی جماعتیں معاشی استحکام کے لیے مل کر کام کریں۔ زرعی شعبے میں جدید ٹیکنالوجی کے استعمال سے گندم کی پیداوار میں اضافہ ممکن ہے۔

ان کا کہنا تھا کہ کچھ کاشتکاروں نے گندم کی پیداوار 60 سے 70 من فی ایکڑ تک پہنچادی ہے۔ وزیراعظم شہباز شریف زرعی شعبے کے مسائل سے مکمل آگاہ ہیں اور ملکی ایکسپورٹ پوٹینشل بڑھ سکتا ہے۔

واضح رہے کہ حکومت نے بجٹ میں عوام کو ریلیف دینے کے لیے ٹیکس بڑھانے کے بجائے دیگر اقدامات پر توجہ دی ہے۔ زرعی پیداوار میں اضافہ ملک کی معاشی ترقی کے لئے اہم ہے۔