اسلام آباد: (رائیٹ ناؤ نیوز) وزیراعظم شہباز شریف اور ترک صدر رجب طیب اردوان کے درمیان ٹیلی فونک گفتگو ہوئی۔ دونوں رہنماؤں نے خطے میں امن کے فروغ کے لیے تعاون جاری رکھنے پر اتفاق کیا ہے۔

منگل کو عید الاضحیٰ کے موقع پر ہونے والی گفتگو میں وزیراعظم نے ترک صدر کو مبارکباد دی۔ دونوں رہنماؤں نے ماضی کی ملاقاتوں کا حوالہ دیتے ہوئے دوطرفہ تعلقات کو مزید مضبوط بنانے پر زور دیا۔

گفتگو میں تجارت، سرمایہ کاری اور علاقائی روابط کے شعبوں میں تعاون بڑھانے پر بھی اتفاق ہوا۔ دونوں ممالک نے اقتصادی اور اسٹریٹجک شراکت داری کو مزید فروغ دینے کی بات کی۔

ترک صدر نے بلوچستان میں ٹرین بم دھماکے پر افسوس کا اظہار کیا اور دہشت گردی کے خلاف یکجہتی کا یقین دلایا۔ وزیراعظم نے ان کی حمایت پر شکریہ ادا کرتے ہوئے دہشت گردی کے خلاف کارروائیاں جاری رکھنے کا عزم ظاہر کیا۔

واضح رہے کہ دونوں ممالک کے درمیان تاریخی اور برادرانہ تعلقات ہیں جو وقت کے ساتھ مزید مضبوط ہو رہے ہیں۔