واشنگٹن: (رائیٹ ناؤ نیوز) امریکی صدر ڈونلڈ ٹرمپ نے ایران کے ساتھ مذاکرات پر غور کے لیے کابینہ کا ہنگامی اجلاس طلب کیا ہے۔ یہ اجلاس کیمپ ڈیوڈ میں منعقد ہو گا اور اس میں تمام کابینہ ارکان شریک ہوں گے۔

اجلاس میں ایران کے ساتھ جاری مذاکرات کے حوالے سے غور کیا جائے گا۔ یہ اجلاس میری لینڈ کے دیہی علاقے کیمپ ڈیوڈ میں ہوگا اور اس میں تلسی گبارڈ بھی شرکت کریں گی۔

امریکی انتظامیہ ایران کے ساتھ وسیع تر معاہدے کے امکانات کا جائزہ لے رہی ہے۔ حالیہ مذاکرات نازک مرحلے میں ہیں، اور ان کی کامیابی کی امید کی جا رہی ہے۔

یہ اجلاس غیر معمولی اہمیت کا حامل ہے کیونکہ ایران کے ساتھ مذاکرات کے مستقبل کا تعین کیا جائے گا۔ معیشت سمیت دیگر قومی معاملات پر بھی تبادلہ خیال متوقع ہے۔

واضح رہے کہ کیمپ ڈیوڈ حساس قومی سلامتی معاملات کے لیے استعمال ہوتی ہے۔ موسم کی خرابی کے باعث اجلاس کے مقام میں تبدیلی کی جا سکتی ہے۔