بیجنگ: (رائیٹ ناؤ نیوز) وزیراعظم شہباز شریف کے دورہ چین کے دوران دونوں ممالک نے مشترکہ اعلامیہ جاری کیا۔ اعلامیے میں دہشتگردی کے خلاف دوٹوک مؤقف اپنایا گیا۔

وزیراعظم نے چینی صدر شی جن پنگ سے ملاقات کی اور 75 سالہ سفارتی تعلقات کی تقریبات میں شرکت کی۔ دونوں ممالک نے اسٹریٹجک تعاون مضبوط کرنے پر اتفاق کیا۔

اعلامیے کے مطابق کالعدم ٹی ٹی پی اور دیگر گروہوں کو علاقائی سلامتی نقصان پہنچانے کی اجازت نہیں دی جائے گی۔ ون چائنا پالیسی کی حمایت کا اعادہ کیا گیا۔

چین نے پاکستان کی خودمختاری کی حمایت کی اور سی پیک 2.0 کی ترقی پر اتفاق کیا۔ دیگر ممالک کو بھی سی پیک میں شمولیت کی دعوت دی گئی۔

واضح رہے کہ پاکستان اور چین کے درمیان دفاعی تعاون بڑھانے پر بھی اتفاق ہوا۔ چینی شہریوں کی سکیورٹی مزید سخت بنانے کا عزم کیا گیا۔ دونوں ممالک نے اقوام متحدہ کے کردار کی حمایت کی۔