واشنگٹن: (رائیٹ ناؤنیوز) امریکی صدر ڈونلڈ ٹرمپ نے اعلان کیا ہے کہ ایران کے ساتھ بڑا یا بامعنی معاہدہ ہوگا ورنہ کوئی معاہدہ نہیں ہوگا۔ یہ بیان انہوں نے سوشل میڈیا پر جاری کیا ہے۔

امریکی صدر نے سوشل میڈیا پر کہا ہے کہ ایران کے ساتھ ڈیل کو ناکام سیاستدان غلط انداز میں پیش کررہے ہیں۔ ان کا کہنا ہے کہ ڈیموکریٹ سینیٹر بار بار غلط پالیسیوں کی حمایت کرتے ہیں۔

ڈونلڈ ٹرمپ نے مزید کہا ہے کہ سابق صدر باراک اوباما نے ایران کے ساتھ تباہ کن ڈیل کی۔ انہوں نے کہا کہ ایران کے ساتھ معاہدہ یا تو بہت اچھا ہوگا یا نہیں ہوگا۔

صدر ٹرمپ نے واضح کیا کہ وہ اوباما کی تباہ کن نیوکلیئر ڈیل کی طرح معاہدے نہیں کریں گے۔ ان کا کہنا ہے کہ ان کی پالیسی بالکل مختلف ہوگی۔

یاد رہے کہ ایران کے ساتھ اوباما کی نیوکلیئر ڈیل پر ٹرمپ کی پہلے بھی تنقید رہی ہے۔ ان کا مؤقف ہے کہ یہ معاہدہ امریکہ کے مفاد میں نہیں ہے۔