واشنگٹن: (رائیٹ ناؤ نیوز) امریکا نے تائیوان کو 14 ارب ڈالر کے ہتھیاروں کی فروخت معطل کر دی ہے۔ یہ فیصلہ ایران جنگ کے پیش نظر کیا گیا ہے، جس کا اعلان امریکی نیوی کے قائم مقام سیکرٹری ہنگ کاؤ نے سینیٹ کمیٹی میں کیا۔

ہنگ کاؤ نے کہا ہے کہ ایران جنگ کے باعث ہتھیاروں کی برآمد روک رہے ہیں تاکہ پہلے اپنی ضروریات پوری کر سکیں۔ امریکی حکام نے اس فیصلے کو دفاعی ترجیحات کا حصہ قرار دیا ہے۔

چین کی طرف سے تائیوان پر مسلسل دباؤ جاری ہے، جسے وہ اپنا حصہ قرار دیتا ہے اور طاقت کے استعمال کی دھمکی دیتا رہا ہے۔ تائیوانی حکام نے بیجنگ پر عسکری دباؤ بڑھانے کا الزام عائد کیا ہے۔

تائیوان کے ارد گرد چینی فوج کی سرگرمیاں بھی جاری ہیں، تائیوانی حکام کا کہنا ہے کہ چین اتحاد پر مجبور کرنا چاہتا ہے۔ اس صورتحال سے خطے میں کشیدگی بڑھنے کا خطرہ ہے۔

یاد رہے کہ چین تائیوان کو اپنا حصہ قرار دیتا ہے اور وقتاً فوقتاً طاقت کے استعمال کی دھمکی بھی دیتا رہا ہے۔ یہ صورتحال خطے میں ممکنہ تنازع کی نشاندہی کرتی ہے۔