لاہور: (رائیٹ ناؤ نیوز) چیئرمین پی سی بی محسن نقوی کے بھارت جانے کا فیصلہ رواں ہفتے متوقع ہے۔ ان کے بھارت دورے کا مقصد آئی پی ایل فائنل اور آئی سی سی میٹنگ میں شرکت ہے۔

ذرائع کے مطابق محسن نقوی اور وزیر اعظم شہباز شریف کی ملاقات اسلام آباد میں ہوگی۔ اس ملاقات میں بھارت دورے کے حوالے سے اہم گفتگو متوقع ہے۔

محسن نقوی آئی سی سی بورڈ میٹنگ اور آئی پی ایل فائنل دیکھنے کی دعوت پر بھی بات کریں گے۔ یہ ملاقات ان کی ایران سے واپسی کے بعد ہوگی۔

یہ دورہ آئی سی سی بورڈ میٹنگ میں شرکت کے لیے اہم ہے جو 30 اور 31 مئی کو احمد آباد میں ہوگی۔ آئی سی سی نے انہیں 31 مئی کو آئی پی ایل فائنل دیکھنے کی دعوت دی ہے۔

واضح رہے کہ محسن نقوی کا بھارت جانا اور میٹنگ میں شرکت وزیر اعظم شہباز شریف کی اجازت سے مشروط ہے۔