واشنگٹن: (رائیٹ ناؤ نیوز) امریکی صدر ڈونلڈ ٹرمپ نے چین کے دورے سے واپسی کے بعد ایران کو متنبہ کیا ہے۔ انہوں نے کہا کہ ایران جلد جنگ بندی معاہدہ کرے ورنہ اسے برے وقت کا سامنا کرنا پڑ سکتا ہے۔

امریکی صدر نے مزید کہا کہ ایران کے حق میں یہی بہتر ہے کہ وہ فوری طور پر امن معاہدہ کر لے۔ انہوں نے کہا کہ مزید تاخیر برداشت نہیں کی جائے گی۔

ایران کے وزیر خارجہ عباس عراقچی نے امریکی پیغامات کی تصدیق کی ہے۔ انہوں نے کہا کہ ٹرمپ انتظامیہ کے ارادوں پر بداعتمادی برقرار ہے۔

ایران نے ماضی میں مذاکرات کے دوران امریکا کے حملوں کی نشاندہی کی ہے۔ عباس عراقچی نے کہا یقین نہیں کہ امریکا واقعی سفارتی حل چاہتا ہے۔

یاد رہے کہ ماضی میں امریکا نے ایران پر دو بار حملے کیے ہیں۔ اس کے باعث ایران امریکا کے ارادوں پر شک کرتا ہے۔