آئی ایم ایف کی ایف بی آر پر تنقید، ٹیکس نیٹ بڑھانے کی ضرورت پر زور۔ ٹیکس شارٹ فال 684 ارب روپے تک پہنچ گیا۔
اسلام آباد: (رائیٹ ناؤ نیوز) آئی ایم ایف نے ایف بی آر کی کارکردگی پر عدم اطمینان کا اظہار کیا ہے۔ ادارے نے ٹیکس نیٹ بڑھانے کی ضرورت پر زور دیا ہے۔
دستاویزات کے مطابق رواں مالی سال میں ایف بی آر کو 684 ارب روپے کے ٹیکس شارٹ فال کا سامنا کرنا پڑا ہے۔ پاور، آئل اور گیس سیکٹرز میں بھی مقررہ ہدف سے کم وصولی رہی۔
آئی ایم ایف کا کہنا ہے کہ ٹیکس ہدف میں کمی پاکستان میں کم ٹیکس دہندگان کی نشاندہی کرتی ہے۔ مزید کاروبار کو ٹیکس نیٹ میں شامل کرنا ضروری ہے۔
ذرائع نے بتایا کہ آئی ایم ایف نے دکانداروں کی ٹیکس رجسٹریشن بڑھانے پر زور دیا ہے۔ انہوں نے کہا کہ بڑے مالی لین دین کے لئے انکم ٹیکس فائلنگ کو یقینی بنانا چاہیے۔
واضح رہے کہ ایف بی آر نے اگست 2026 تک نیا آڈٹ نظام لانے کا دعویٰ کیا ہے۔ اس سے اضافی آمدن کا فائدہ آئندہ مالی سال میں متوقع ہے۔
