واشنگٹن: (رائیٹ ناوٴ نیوز)۔ ایران جنگ میں اخراجات کا اندازہ 40 سے 50 ارب ڈالر تک پہنچ سکتا ہے۔

سی این این کے مطابق جنگ کے اصل اخراجات ابتدائی تخمینے سے زیادہ ہیں۔ فوجی اڈوں کی مرمت اور تباہ شدہ سازوسامان کی تبدیلی اس میں شامل نہیں۔

امریکی فوج آج صدر ٹرمپ کو ایران کے خلاف نئے آپشنز پر بریفنگ دے گی۔ سینٹکام کے منصوبے صدر کے سامنے پیش کیے جائیں گے۔ حساس جوہری مواد کی حفاظت کے لیے اسپیشل فورسز آپریشن پر غور ہوگا۔

اس جنگ کے اخراجات امریکی معیشت پر گہرے اثرات ڈال سکتے ہیں۔ یہ اخراجات بڑھتے ہوئے بجٹ خسارے کا باعث بن سکتے ہیں۔

یاد رہے کہ ایران کے خلاف عسکری کارروائی کے بعد سے خطے میں کشیدگی بڑھ گئی ہے۔ امریکی فوج کے اقدامات اور ایران کی جوابی کارروائیوں کا خدشہ موجود ہے۔