واشنگٹن ڈی سی: (رائیٹ ناوٴ نیوز)۔ امریکی وزیر جنگ پیٹ ہیگستھ نے کانگریس کی ہاؤس آرمڈ کمیٹی میں کہا کہ ایران جنگ کا مقصد امریکا کے وجود کو محفوظ بنانا تھا۔ انہوں نے مزید کہا کہ صدر ٹرمپ نے ایران کو جوہری ہتھیاروں سے باز رکھنے کے لیے واضح پیغام دیا۔

پیٹ ہیگستھ نے بتایا کہ صدر ٹرمپ نے 1.5 ٹریلین ڈالر کا بجٹ دیا ہے۔ محکمہ دفاع میں روزگار کے مواقع فراہم کیے جا رہے ہیں۔ انہوں نے ایران جنگ کو امریکا کے مفادات کے تحفظ کی بقا کی جنگ قرار دیا۔

جنرل ڈین کین کا کہنا تھا کہ جنگ کے دوران کامیابی سے اہداف حاصل کیے گئے ہیں۔ ایران کو جوہری ہتھیار رکھنے کی اجازت نہیں دی جا سکتی۔ انہوں نے افواج کی جدیدیت اور اسٹریٹجک برتری پر زور دیا۔

یہ جنگ امریکی مفادات کی خاطر کی جا رہی ہے۔ اس کے ذریعے امریکا کو عالمی سطح پر اسٹریٹجک برتری حاصل کرنے کا موقع ملا ہے۔

واضح رہے کہ ایران جنگ کو دو ماہ ہو چکے ہیں۔ یہ جنگ امریکی صدر کے حکم پر شروع کی گئی تھی تاکہ ایران کے جوہری منصوبے کو روکا جا سکے۔