تہران: (رائیٹ ناوٴ نیوز)۔ ایرانی پاسداران انقلاب گارڈز نے کہا ہے کہ آبنائے ہرمز کو کنٹرول کرنا امریکا کے ساتھ جنگ ​​میں ایران کی حتمی حکمت عملی ہے۔ ان کا کہنا ہے کہ خطے میں امریکی حامیوں پر مضر اثرات کا دباؤ برقرار رکھنا اس حکمت عملی کا حصہ ہے۔

فرانسیسی صدر ایمانوئیل میکرون نے ایتھنز میں یونانی وزیراعظم کے ساتھ پریس کانفرنس میں کہا کہ غیر یقینی صورتحال توانائی کی قلت کا باعث بن سکتی ہے۔ انہوں نے کہا کہ آنے والے دنوں میں بغیر ٹول ٹیکس نیوی گیشن آزادی سے آبنائے ہرمز کھلوانا مقصد ہے۔

میکرون نے مزید کہا کہ آبنائے ہرمز کھلنے کے بعد صورتحال معمول پر آ سکتی ہے۔ ترک وزیر خارجہ نے ایسے اقدامات کو انسانی ہمدردی کی ذمہ داری کے طور پر مثبت نظر سے دیکھا ہے۔

رپورٹ کے مطابق، جنگ بندی ختم ہونے کی صورت میں آبنائے ہرمز، جنوبی خلیجِ عرب اور خلیجِ عمان کے اطراف ایران کی صلاحیتوں کو نشانہ بنایا جائے گا۔

واضح رہے کہ آبنائے ہرمز بین الاقوامی تجارت کے لیے اہم راستہ ہے اور اس کی بندش سے عالمی معیشت متاثر ہو سکتی ہے۔