ماسکو: (رائیٹ ناوٴ نیوز) روس نے ایران کے افزودہ ایٹمی مواد کی منتقلی میں مدد کی پیشکش کی ہے۔

روسی ایٹمی توانائی ایجنسی روسٹم کے سربراہ نے کہا ہے کہ تکنیکی مسائل کے ساتھ امریکا اور ایران میں اعتماد کا فقدان بڑا مسئلہ ہے۔ روس کو ایران کے ساتھ تعاون کا مثبت تجربہ حاصل ہے۔

سربراہ روسٹم نے مزید کہا کہ 2015 میں بھی روس نے افزودہ یورینیم کی منتقلی میں مدد کی تھی اور اس بار بھی کردار ادا کرنے کے لیے تیار ہیں۔

یہ پیشکش ایران کے ایٹمی معاہدے کی بحالی کی کوششوں کے دوران سامنے آئی ہے، جو عالمی امن کے لیے اہمیت رکھتی ہے۔

واضح رہے کہ ایران اور عالمی طاقتوں کے درمیان 2015 میں جوہری معاہدہ ہوا تھا جس کے تحت ایران نے ایٹمی سرگرمیوں کو محدود کرنے پر رضامندی ظاہر کی تھی۔