لندن: (رائیٹ ناوٴ نیوز) ایک ہی دن میں 600 سے زائد غیر قانونی پناہ گزینوں نے چھوٹی کشتیوں کے ذریعے انگلش چینل عبور کیا۔

غیر ملکی میڈیا رپورٹس کے مطابق 602 تارکین وطن 9 چھوٹی کشتیوں میں سوار ہو کر چینل عبور کرنے میں کامیاب ہوئے، جس کے بعد رواں سال تارکین کی مجموعی تعداد 6 ہزار سے تجاوز کر چکی ہے۔

برطانوی حکومت نے دعویٰ کیا ہے کہ اس دوران 42 ہزار غیر قانونی تارکین کو روکا گیا ہے، اور تقریباً 60 ہزار کو ملک بدر کیا جا چکا ہے۔

یہ صورتحال برطانیہ کے لیے تشویش کا باعث بن رہی ہے کیونکہ اس سے ملک کی سیکیورٹی اور معاشی مسائل میں اضافہ ہو سکتا ہے۔

یاد رہے کہ برطانیہ میں غیر قانونی تارکین کی آمد کا مسئلہ کئی سالوں سے جاری ہے، جو ملکی پالیسیوں اور بین الاقوامی تعلقات پر اثر انداز ہو رہا ہے۔