اسلام آباد: (رائیٹ ناوٴ نیوز) آبنائے ہرمز سے امریکی جنگی جہازوں کے گزرنے کا دعویٰ کیا گیا ہے۔ امریکی میڈیا کے مطابق یہ پیش رفت ایران جنگ کے بعد پہلی بار ہوئی ہے۔

رپورٹ میں کہا گیا ہے کہ امریکی جنگی جہازوں کی نقل و حرکت بغیر کسی ایرانی ہم آہنگی کے ہوئی۔ جہاز مشرق سے خلیج کی طرف گئے اور پھر واپس بحیرہ عرب کی سمت لوٹے۔

ایرانی میڈیا کے مطابق فجیرہ کی بندرگاہ سے آبنائے ہرمز کی سمت بڑھنے والے امریکی جہاز کو سخت وارننگ دی گئی۔ ایرانی حکام نے پاکستانی ثالث کو بھی آگاہ کیا کہ جہاز کی پیش قدمی جاری رہنے پر نشانہ بنایا جا سکتا ہے۔

امریکی صدر ڈونلڈ ٹرمپ نے سوشل میڈیا پر اعلان کیا کہ امریکی فورسز آبنائے ہرمز کو کھولنے کا عمل شروع کر رہی ہیں، جس پر ایرانی جانب سے سخت ردعمل سامنے آیا۔

واضح رہے کہ امریکی رپورٹ میں جہازوں کے نام یا شناخت ظاہر نہیں کی گئی جبکہ ایرانی تفصیلات مکمل طور پر اپنے مؤقف پر مبنی ہیں۔