کولکتہ: (رائیٹ ناوٴ نیوز) افغانستان کے معروف اسپنر راشد خان نے ٹی ٹوئنٹی کرکٹ میں 700 وکٹیں لے کر تاریخ رقم کی ہے۔ یہ سنگ میل انہوں نے ٹی ٹوئنٹی ورلڈکپ کے میچ میں یو اے ای کے خلاف وکٹ حاصل کرکے عبور کیا۔

راشد خان نے ویسٹ انڈیز کے ڈیوین براوو کو پیچھے چھوڑتے ہوئے فروری 2025 میں دوسرا مقام حاصل کیا تھا، جنہوں نے مجموعی طور پر 631 وکٹیں لی تھیں۔ ویسٹ انڈیز کے شیو نارائن 613 وکٹوں کے ساتھ تیسرے نمبر پر ہیں۔

ٹی ٹوئنٹی انٹرنیشنل میں بھی راشد خان سب سے زیادہ وکٹیں لینے والے بولر ہیں، ان کے پاس 191 وکٹیں ہیں۔ نیوزی لینڈ کے ٹم ساؤتھی اور اش سودھی بالترتیب 164 اور 162 وکٹوں کے ساتھ دوسرے اور تیسرے نمبر پر ہیں۔