سان فرانسسکو: (رائیٹ ناوٴ نیوز) اوپن اے آئی نے اپنی رپورٹ میں بتایا ہے کہ آرٹیفیشل انٹیلی جنس ٹولز کے استعمال سے دفتری ملازمین کے کام کی رفتار اور معیار میں بہتری آئی ہے۔

رپورٹ کے مطابق، 10 لاکھ سے زائد کمپنیوں کے ڈیٹا اور 100 اداروں کے 9 ہزار ملازمین کے سروے کے بعد، 75 فیصد ملازمین نے کہا کہ اے آئی کے استعمال سے ان کی کام کی رفتار یا معیار میں بہتری آئی۔

مزید برآں، 75 فیصد صارفین نے یہ بھی بتایا کہ وہ اب ایسے نئے ٹاسک بھی مکمل کر سکتے ہیں جو پہلے ممکن نہیں تھے۔

چیٹ جی پی ٹی انٹرپرائز کے صارفین روزانہ 40 سے 60 منٹ تک وقت بچانے میں کامیاب ہوتے ہیں۔

رپورٹ میں یہ بھی بتایا گیا ہے کہ کمپنیوں میں اے آئی کے استعمال کی شرح میں تیزی سے اضافہ ہو رہا ہے، جہاں ملازمین ان ٹولز کو روزمرہ کے کاموں میں شریک کرتے ہیں۔