ڈھاکہ: (رائیٹ ناوٴ نیوز) بنگلادیش کی عدالت نے سابق وزیراعظم شیخ حسینہ واجد کو سزائے موت سنا دی۔ ان کے ساتھ وزیر داخلہ اسد الزماں کو بھی یہی سزا دی گئی۔ شیخ حسینہ، جنہیں انڈیا فرار ہونے کے بعد سے وہیں مقیم بتایا گیا، عدالت میں موجود نہیں تھیں۔

چین کے وزارت خارجہ کے ترجمان نے کہا کہ یہ بنگلادیش کا اندرونی معاملہ ہے اور چین اس پر کوئی تفصیلی تبصرہ نہیں کرے گا، لیکن ہر ملک کے قانون کا احترام لازم ہے۔ ترجمان نے بنگلادیش کے ساتھ دوستانہ تعلقات کے عزم کا اعادہ کیا اور امید ظاہر کی کہ بنگلادیش مستحکم اور ترقی یافتہ رہے گا۔

عدالت نے شیخ حسینہ کو تین سنگین مقدمات میں مجرم قرار دیا، جن میں مظاہرین پر تشدد کا حکم دینا اور ان کے قتل عام کو روکنے میں ناکامی شامل ہیں۔ ابتدائی طور پر عمر قید پر غور کیا گیا تھا، لیکن آخرکار سزائے موت کا فیصلہ کیا گیا۔ شیخ حسینہ نے فیصلے کو سیاسی اور منصوبہ بند قرار دیا۔